जुम्लाको तातोपानी गाउँपालिकाकाे रावतबाडामा ट्याक्टर दुर्घटना हुँदा सहचालकको मृत्युभएको छ । तातोपानी गाउँपालिका ६चिलिमडाँडामा शुक्रबार ट्याक्टर दुर्घटना भएको हाे ।
दुर्घटनामा मृत्यु हुनेमा तिला गाउँपालिका ५ चुलाकाेट निवासी १६ वर्षीय ट्याक्टर सह चालक विकास सुनारकाे मृत्यु भएको हाे ।
प्रहरी कार्यालय जुम्लाका अनुसार चिलिमडाँडाबाट ढुङ्गा बाेकेर रावतवाडा आउँदै गरेको लु ४ त ७९४८ नम्बरको ट्याक्टर अनियन्त्रित भई सडकबाट झण्डै ५० मिटर तल खसेकाे थियाे ।
घाइते सुनारकाे उपचारको क्रममा कर्णाली स्वास्थ्य विज्ञान प्रतिष्ठान जुम्लामा मृत्यु भएकाे प्रहरी निरीक्षक धर्मराज जाेशीले जानकारी दिए । उनका अनुसार चालक फरार छन् ।
जुम्ला दर्पण । १९ जेष्ठ २०८०, शुक्रबार २२:२१