जुम्ला : जुम्लाकाे तातोपानी गाउँपालिका-६ ले लक्षित वर्ग अन्तर्गत एकल महिला,गरिब, विपन्न,अपांगता भएका व्यत्ति,तथा ज्येष्ठ नागरिकलाई न्यानो कम्बल वितरण गरेको छ।
जिल्लामा बढेको अत्यधिक जाडो याममा वडापालिकाले यहाँका लक्षित वर्गका नागरिकलाई कम्बल वितरण गरेपछि ज्येष्ठ नागरिकदेखि एकल महिलालाई निकै राहत पुगेको तातोपानी -६ का ज्येष्ठ नागरिक काले विष्टले बताए ।
लक्षित वर्ग कार्यक्रम अन्तर्गत वडाले याे वर्ष तीन लाख बजेट विनियोजित गरेको थियो । साेहि बजेटबाट तातोपानी -६ का करिब १७०ज्येष्ठ नागरिकलाई कम्बल वितरण गरिएको वडाध्यक्ष विशाल खड्काले जानकारी दिए ।
जुम्लाको तापक्रम माइनसमा रहेको छ। चिसो बढेर समस्या भइरहेका बेला वडापालिकाले कम्बल वितरण गरेकोमा ज्येष्ठ नागरिकहरूमा खुसी छाएको ज्येष्ठ नागरिक जगसिला रावतकाे भनाइ छ।
वडाध्यक्ष खड्काले यहाँका ज्येष्ठ नागरिकका समस्या बुझेर लक्षित वर्ग भित्र पर्ने नागरिकलाई राहत हुने जस्ता कार्यक्रम लागू गरि कार्यनयन ल्याएको ज्येष्ठ नागरिक रावतले बताए ।
जुम्ला दर्पण । १० पुष २०८०, मंगलवार १८:०९