जुम्ला । कर्णाली प्रदेश स्तरीय राष्ट्रपति रनिङ शिल्ड उद्घाटन समारोहमा जुम्लाबाट ताताेपानी गाउँपालिका सम्मानित भएको हो । खेलकुदमा विशेष योगदान गरेको भन्दै प्रदेश खेलकुद परिषद्ले प्रदेशका १० वटै जिल्लाबाट एक एक वटा स्थानीय तहलाई सम्मान गरेको थियो ।
जसअन्तर्गत जुम्ला बाट तातोपानी गाउँपालिका सम्मानित भएको जिल्ला खेलकुद विकास समितिका जुम्लाका अध्यक्ष धनकृष्ण पाण्डेले वताए । खेलकुदमा लगानी गरिरहेका, खेल क्षेत्रमा ध्यान दिएका स्थानीय तहलाई छनौट गरी सम्मान गरिएको हाे । जिल्लामा अन्य स्थानीय तहको तुलनामा तातोपानी गाउँपालिकाले राम्रो गरिरहेकोले छनौटमा परेको १४अाै राष्ट्र पति रनिङ शिल पनि तातोपानी गाउपालिकाकाे वडा न ६काे अायाेजनमा सम्पन्न भएकाे प्रदेश खेलकुद परिषद्ले जनाएको छ ।
त्यस्तै अन्य जिल्ला अन्तर्गत दैलेखको ठाँटीकाँध गाउँपालिका, सुर्खेतको चौकुने गाउँपालिका, रूकुम पश्चिम काे सानिभेरि गाउँपालिका, कालिकोटको तिलागुफा नगरपालिका, जाजरकोटको छेडागाड नगरपालिका, हुम्लाको खार्पुनाथ गाउँपालिका, डोल्पाको त्रिपुरासुन्दरी नगरपालिका, मुगुको सोरु गाउँपालिका र सल्यानको कपुरकोट गाउँपालिकालाई सम्मान गरिएको छ । मुख्यमन्त्री राजकुमार शर्माले सम्मान गरेकाे वताए ।
जुम्ला दर्पण । ९ फाल्गुन २०८०, बुधबार १४:१२