जुम्ला : जिल्लाकाे सिंजा गाउँपालिका वडा नम्बर ३ नराकाेटमा भाद्र ७ गतेदेखि जात्रा लाग्ने भएकाे छ । श्री सप्पा सिंजा नराकाेट बजार जात्रा सञ्चालन समितिकाे आयाेजना हुने भएकाे हाे ।
समितिका अध्यक्ष विजयराम रानाका अनुसार जात्रा भाद्र ७ गतेदेखि ११ गतेसम्म सञ्चालन हुनेछ । जात्रामा सम्पूर्ण जिल्लाबासीलाई आमन्त्रण गरिएकाे अध्यक्ष रानाले बताए ।
सिंजा गाउँपालिकाका निवतर्तमान अध्यक्ष देवलसिंह रावलले सिंजा सभ्यताकाे उजागर संस्कृति संरक्षण र मनाेरञ्जनका लागि जात्रा सञ्चालन हुन लागेकाे बताए । उनका अनुसार जात्रामा लाखे निकालिनेछ ।
`स्थानीय संस्कृति झल्कने प्रस्तुति प्रस्तुत गरिनेछ । सबै प्रस्तुति खस भाषामा हुनेछ । मागल, चुट्किला लगायत प्रस्तुत गरिनेछ । स्थानीय उत्पादन पनि राखिनेछ´, उनले भने ।
रावलले जिल्लास्थित सराेकारवालालाई आमन्त्रण गरिएकाे जानकारी दिए । जात्रा सञ्चालनकाे लागि सिंजा गाउँपालिकाले दुई लाख रूपैयाँ सहयाेग गरेकाे छ ।
जुम्ला दर्पण । २९ श्रावण २०८१, मंगलवार ०९:२६