जुम्ला : जिल्ला स्तरीय खुल्ला पुरूष फुटबल प्रतियोगिता सुरू भएकाे छ । दलित सेवा संघ जुम्लाकाे आयाेजनामा दलित समुदायका युवाबीच खुल्ला पुरूष फुटबल प्रतियोगिता सुरू भएकाे हाे ।
`स्वास्थ्यका लागि खेलकुद,राष्ट्रका लागि खेलकुद´ भन्ने मुल नारासहित सुरू भएकाे प्रतियोगिता यहीँ कात्तिक २३ गतेसम्म सञ्चालन हुनेछ ।
संघका अध्यक्ष भीम नेपालीका अनुसार जुम्ला जिल्लाभर रहेका दलित समुदायका युवाहरूबीच खेलका माध्यमबाट भातृत्व विकासका लागि प्रतियोगिता सञ्चालन गरिएकाे हाे ।
उनले जुम्ला जिल्लामै पहिलोपटक आयाेजना गरिएकाे प्रतियोगितालाई भव्य र सभ्य रूपमा सम्पन्न गर्न सबैकाे भूमिका महत्त्वपूर्ण रहेकाे बताए ।
`दलित एकताकाे सन्देश दिन प्रतियोगिता आयाेजना गरिएकाे हाे । खेलकुद सबैलाई जाेड्ने माध्यमपनि हाे । त्यसैले प्रतियोगिता सभ्य रूपमा सम्पन्न हुनेछ´, अध्यक्ष नेपालीले भने ।
उद्घाटन खेल फाेई कालिका युवा क्लब र सरस्वती युवा क्लब मिचाबीच भएकाे थियाे । सरस्वतीलाई २-१ गाेल अन्तरले पराजित गर्दै फाेई कालिकाले जित हासिल गरेकाे छ ।
डिवाईसी युवा क्लब र देउसी कैलाश युवा क्लबबीच भएकाे थियाे । उक्त खेलमा देउती कैलाश १ गाेलले विजयी भएकाे छ ।
जुम्ला दर्पण । १९ कार्तिक २०८१, सोमबार २०:४१