जुम्ला : जिल्ला स्तरीय खुल्ला पुरूष फुटबल प्रतियोगितामा क्वाटर फाइनल समीकरण पूरा भएकाे छ । बिहीबार क्वाटर फाइनलका सबै खेल सम्पन्न भएका हुन् ।
शुक्रबारबाट सेमिफाइनल समीकरण सुरू हुने आयाेजक दलित सेवा संघ जुम्लाले जनाएकाे छ । अध्यक्ष भिम नेपालीका अनुसार बिहीबार क्वाटर फाइनलका तीन खेल भएका थिए ।
दाेस्राे क्वाटर फाइनल देउती कैलाश युवा क्लब कुडारी र जयबाबिरा युवा क्लब सिंगाचौरबीच प्रतिष्पर्धा भएकाे थियाे । उक्त खेलमा देउती कैलाश युवा क्लब कुडारी विजयी भएकाे छ ।
यस्तै राेयल छिना युवा क्लब र जय शम्भुनाथ युवा क्लबबीच भएकाे खेलमा राेयल छिनाले जीत हासिल गरेकाे छ । क्वाटरफाइनल समीकरणमा अन्तिम खेलमा समाज चेतना युवा क्लब विजयी भएकाे छ ।
डिवाइसी युवा क्लबलाई पराजित गर्दै समाज चेतना अघिल्लो चरण प्रवेश गरेकाे हाे ।
अध्यक्ष नेपाललीले लायन युवा क्लब,समाज चेतना युवा क्लब,राेयल छिना युवा क्लब र देउती कैलाश युवा क्लब सेमिफाइनल प्रवेश गरेका छन् ।
शुक्रबार सेमिफाइनल हुनेछन् । प्रतियोगितामा कुल १७ टिम सहभागी हुन् । प्रतियोगिता कात्तिक २३ गते सकिनेछ ।
जुम्ला दर्पण । २२ कार्तिक २०८१, बिहीबार १८:१९