जुम्ला जिल्लामा सञ्चालनमा रहेका खानेपानीका डिपिआर परियोजना अगाडी बढेको र परियोजना सञ्चालनमा आएसँगै यहाँका नागरिकको समस्या दीर्घकालिन रुपमा समाधान हुने मन्त्री यादवले बताउनुभयो ।जुम्लाका नागरिकहरुका सडकका समस्या समाधानका लागि आफुले माथिल्लो निकाय सम्म पहल चाल्ने आश्वासन दिलाउनुभयो । उहाँले भन्नुभयो, “सडक कालोपत्रका लागि म सम्माननीय प्रधानमन्त्री ज्यूसँग सल्लाह गर्ने छु । यहाँका नागरिकको सडकको समस्या समाधान गर्न मैले पहल गर्ने छु ।”
जुम्लाको अर्गानिक एवं पौष्टिक तत्वले भरीपूर्ण जुम्ली स्याउ अब स्वदेशमा मात्रै सिमित नभएर विदेशमा पनि निर्यात गर्नु पर्ने मन्त्री यादवको भनाई छ । उहाँले भन्नुभयो, “हिमाली माटोको सुगन्धले भरिएको, संस्कृतिको उज्यालो ज्योति फैलिएको, जुम्ला जिल्लामा उत्पादित स्याउ अब विदेश निर्यात गराउनु पर्छ । यहाँको स्याउ देश विदेशमा चिनाउनु पर्छ ।”
जुम्ला जिल्लामा सञ्चालनमा रहेका खानेपानी योजनाहरूलाई शीघ्र सम्पन्न गरी शुद्ध, सुरक्षित र भरपर्दो खानेपानी सहज रूपमा उपलब्ध गराउने वातावरण निर्माण गरिने मन्त्री यादवले प्रतिद्धता जनाउनु भएको थियो ।
सोही कार्यक्रमा बोल्नु हुँदै सभाको अध्यक्ष एवं गाउँपालिका राष्ट्रिय महासंघका उपाध्यक्ष तथा हिमा गाउँपालिका अध्यक्ष लक्ष्मणबहादुर शाहीले संघीय सरकार र स्थानीय तहबीच गहिरो समन्वय र सहकार्यका साथ जुम्लाको समृद्धि र विकासमा नयाँ युगको सुरुवात गर्ने दृढ अठोट रहेको बताउनुभयो ।
उहाँले भन्नुभयो, “विकासमा पछाडि परेको कर्णालीको जुम्ला जिल्लामा असङ्ख्य स्रोत साधन छन् । जुम्लावासीको उज्यालो भविष्यका लागि संघ, प्रदेश सरकारसँग हामी सधै सहकार्य गर्नेछौँ ।”
यसैगरी कनकासुन्दरी गाउँपालिकाका अध्यक्ष दामोदरप्रसाद आचार्य,सिंजा गाउँपालिकाका अध्यक्ष पुर्णप्रसाद धिताल लगायतले जुम्लाको विकासका लागि सबै एकजुट हुनु पर्ने धारणा राख्नु भएको थियो ।
उक्त कार्यक्रममा खानेपानीमन्त्रालयका सचिव ईञ्जिनियर प्रमिलादेबी शाक्य बज्राचार्य, खानेपानी तथा ढल व्यवस्थापन विभागका महानिर्देशक ईञ्जिनियर रामकुमार श्रेष्ठ, प्रमुख जिल्ला अधिकारी रामबहादुर शाह लगायतको सहभागिता रहेको थियो ।