डिल्ली अन्जान ,जुम्ला :
तातोपानी मल्टिमिडिया प्रालिद्धारा जुम्लादर्पण डटकम सञ्चालनमा आएको छ । आइतबार एक कार्यक्रमका बीच जुम्लादर्पण डटकमको विमोचन गरिएको हो । एक औपचारिक समारोहका बीच जिल्ला समन्वय समितिका प्रमुख गौरीनन्द आचार्यले जुम्लादर्पणको विमोचन गरेका हुन् । सत्य तथ्य र खोजमुलक समाचार भन्ने मूल नारासहित औपचारिक रुपमा सञ्चालनमा आएको हो ।
जुम्लादर्पण डटकमले विगत एक महिनादेखि अनौपचारिक रुपमा सञ्चालन भइरहेको थियो । विमोचन समारोहमा बोल्दै प्रमुख अतिथि आचार्यले जुम्लादर्पणले सत्य,तथ्य समाचारमा ध्यान दिने बताएका थिए । उनका अनुसार अनलाइन पत्रकारिताका माध्यमबाट समाजमा लुकेर रहेका गतिविधि बाहिर आउनेछन् ।
उक्त अवसरमा बोल्दै तातोपानी गाउँपालिकाका अध्यक्ष नन्द्रप्रसाद चौलागाईले पत्रकारिता समाजको ऐना भएको बताए । उनले जुम्लादर्पणले तथ्य र तथ्य समाचारमा जोड दिने विस्वास व्यक्त गरे । उक्त अवसरमा बोल्दै तातोपानी गाउँपालिका वडा नम्बर ६ का अध्यक्ष विशाल खड्काले मिडिया र समाज एकअर्काका परिपुरक भएको बताए ।
मिडियाले समाज रुपान्तरणमा महत्वपूर्ण भूमिका खेल्ने बताए । उक्त अवसरमा बोल्दै प्रकाशक बरमराज कामीले जुम्लादर्पण अनलाइन पत्रकारिताका माध्यमबाट समाज रुपान्तरणमा भूमिका खेल्ने बताए । उनले समाजमा लुकेर रहेका समाचार जुम्लादर्पणको प्राथमिकता रहेको बताए । उक्त अवसरमा स्व.दीपबहादुर स्मृत्ति क्रियाशील पत्रकारिता समेच वितरण गरिएको थियो ।
जुम्ला दर्पण । १६ आश्विन २०७९, आईतवार १७:०४