रेशम अनुराग
जुम्ला
तिला गाउँपालिकाले सुनौलो हजार दिनका आमाहरुलाई फिल्टर वितरण गरेको छ । सुरक्षित खानेपानी, स्वस्थ जिन्दगी भन्ने नारालाई आत्मसाथ गर्दै गाउँपालिकाले सुनौला हजार दिनका गर्भवती महिलालाई फिल्टर वितरण गरेको हो ।
गाउँपालिकाकी नर्सिङ अधिकृत जानकी हितान (शाहि)का अनुसार गाउँपालिका अन्र्तगत वडा नम्बर ३,४,र ५ का ६० आमाहरुलाई फिल्टर वितरण गरिएको थियो । आगामी दिनमा नर्ससँगको भेटघाटबाट गर्भवतीलाई सल्लाह सुझाव लिने र स्वास्थ्यमा ध्यान दिए मात्र जीवन सुरक्षित गराउन सकिने अवस्था रहेको उनले बताइन् ।
तिलामा मातृशिशु मृत्युु दर शून्य छ। कुरामा सिमित हुनुभन्दा स्वस्थ जाचमा सिकेका कुरा छर छिमेकीलाई सचेत गराउने गरेको उनको भनाइ छ । 
वडा नम्बर ५का वडा अध्यक्ष ललित बहादुर शाहीले गाउँघरमा गएर अल्ट्रासाउन्ड गरिरहेको बताए । वडाका महिलाहरुको स्वास्थ्य अवस्थाका विषयमा वडा कार्यालय गम्भी रहेको उनले बताए । तिला गाउँपालिकाकी उपाध्यक्ष गोरिकला बुढाले महिलाहरुको शसक्तिकरण आवश्यकता रहेको बताइन् ।
जुम्ला दर्पण । १६ जेष्ठ २०८०, मंगलवार २०:१५