कालीकाेट । कालीकोटको पलाँता गाउँपालिका-३ स्थित राडुकाप्रे खोलामा बोलेरो गाडी दुर्घटना भएकाे छ ।
दुर्घटनामा परी १० जनाको मृत्यु भएको छ भने अन्य १० जना घाइते भएका छन् ।
गाडीमा सवार २० जनामध्ये १० जनाको घटनास्थलमै मृत्यु भएको कालीकोटका प्रमुख जिल्ला अधिकारी नारायण प्रसाद भट्टराईले बताए ।
उनका अनुसार बाँकी १० जना यात्रु घाइते छन् । उनले उद्धारका लागि सुर्खेतबाट नेपाली सेनाको हेलिकोप्टर घटनास्थलतर्फ जानका लागि सदरमुकाम मान्म पुगिसकेको समेत जानकारी दिए । दुर्घटनाबारे थप विवरण आउन भने अझै बाँकी छ ।
जुम्ला दर्पण । २५ कार्तिक २०८१, आईतवार १६:३९