जुम्ला : जुम्ला बहुमुखी क्याम्पसमा आगामी चैत ५ गते हुने स्वतन्त्र विद्यार्थी युनियन (स्ववियु) निर्वाचनका लागि नेकपा एकीकृत समाजवादी पार्टी निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियू) बाट लक्ष्मण सुनारले अध्यक्ष पदमा उम्मेदवारी दिएका छन्।
उनी दलित समुदायबाट अध्यक्ष पदका लागि एकमात्र उम्मेदवार बनेका छन्। मंगलबार उम्मेदवारी दर्ता कार्य सम्पन्न भएपछि निर्वाचन अधिकृत पदम बहादुर शाहीले जारी गरेको सूचीअनुसार सुनार दलित समुदायको तर्फबाट एक्ला उम्मेदवार रहेको जानकारी दिए।
चैत ५ गते हुने स्ववियु निर्वाचनमा विद्यार्थी नेताहरूले आफ्नो सक्रियता बढाइरहेका छन्। लक्ष्मण सुनारको उम्मेदवारीले दलित समुदायको प्रतिनिधित्व र विद्यार्थी राजनीतिमा समावेशीताको मुद्दालाई थप बल पुर्याउने अपेक्षा गरिएको छ।
जुम्ला दर्पण । २७ फाल्गुन २०८१, मंगलवार २१:४०