जुम्ला । जुम्लाकाे एक घरमा भिषण आगलागी भएकाे छ । चन्दननाथ नगरपालिका वडा नं ४ स्थित शिवा लक्ष्मी न्याैपानेकाे घरमा विहिबार भिषण आगलागी भएकाे हाे ।
आगलागी हुँदा तीन तले घर पुरै जलेर नष्ट भएकाे छ । सबै सुरक्षा निकाय,चन्दननाथ नगरपालिकाकाे दमकल र स्थानीयले आगाे नियन्त्रणकाे प्रयास गरेपनि सम्भव हुन सकेकाे थिएन् ।
ग्याँस लिक भएर घरकाे दाेस्राे तलाबाट आगाे सल्कीएकाे भन्ने प्रारम्भिक जानकारी आएपनि तथ्य खुल्न सकेकाे छैन् । आगलागीले घरभित्रका लत्ता कपडा,भाडा वर्तन,लगायत सबै धनमाल पूर्णमा जलेर नष्ट भएकाे छ ।
सबै काेठा भाडामा बसिरहेकाहरुकाे बिचल्ली भएकाे छ । जस्ता पाताले छाएकाे तीन तले घर जलेर नष्ट भएकाे हाे । समचार तयार पार्दा सम्म आंशिक रुपमा आगाे नियन्त्रण आएपनि नेपाल प्रहरी,सशस्त्र प्रहरी,नेपाल आर्मी लगायत स्थानीयहरु आगालागी नियन्त्रणमा जुटिरहेका छन् । क्षतिकाे एकिन विवरण आउन बाँकि रहेकाे छ ।
डिल्ली कामी । २० चैत्र २०८१, बिहीबार २२:३०