डिल्ली अन्जान
जुम्ला ः नेपाल बुद्धिजिवी संगठन जिल्ला समन्वय समितिको संयोजकमा हिक्मत बुढ्थापालाई चयन गरिएको छ । जिल्ला कार्य समितिको ६५ सदस्यीय रहने गरी बुढ्थापालाई संयोजकमा चयन गरिएको हो । संयोजक बुढ्थापाले पार्टी बयिलो बनाउन र बृद्धि विकास गर्नका लागि जिल्ला समन्वय समितिको भूमिका रहने बताए
।
नेकपा माओबादी केन्द्रका जिल्ला इन्चार्ज नरेश भण्डारीले दलाल पुंजीवादलाई परास्त गर्दै समाजवाद उन्मुख अर्थतन्त्रको विकास गर्न बुद्धिजिवीले ध्यान केन्द्रित गर्नुपर्ने बताए । उनले भने माओवादी केन्द्रलाई मजबुत र बलियो बनाउन बुद्धिजिवीको अहम भुमिका रहने छ । बुद्धिजिवीको सल्लाह तथा सुझावले पार्टी उचाईमा पुग्ने छ ।
नेपाल बुद्धिजिवी संगठन जिल्ला समन्वय समितिको सहसंयोजकमा धर्मदत्त धिताल रहेका छन् ।
जुम्ला दर्पण । २४ चैत्र २०७९, शुक्रबार २३:०६