नन्द बहादुर रोकाया
असार २३, मुगु
जिल्ला स्थित सोरु गाउँपालिका—४ रावलबाडा गाउँका ३५ दलित परिवार बाढी पहिरोको त्रासले रातभर जागराम बस्न थालेका छन । असार २१ गते बिहान गाउँको माथि बाट बर्षासंगै उर्लेर बाढी आएर खेतीयोग्य जग्गा बगरमा परिणत गरि गाउँ जोखिम बनेपछि ३५ दलित घरका करिव १ सय ७५ स्थानीय त्रासले रातभर जागराम बस्ने गरेका छन ।
गत बर्ष पनि यही समयमा गाउँ माथि बाट बाढी आउदा खेतबारीको अन्नबाली तहसनहस पारेको थियो । यो पटक पनि सोही स्थान बाट बाढी आएर जग्गा जमिन लहसनहस बनाए पछि दलित परिवारलाई उठिबास हुन थालेको छ । बाढी पहिरोको डरले हामी राति सुत्दैनौ रावलबाडा गाउँका ४७ बर्षिय जाड नेपालीले भने बर्षा हुदा बित्तिकै माथि बाट बाढी पहिरो आएर खेतीयोग्य जग्गा जमिन बगर बनाई सक्यो ।
नेपालीले दुखेसो पोख्दै भने बीच हामी दलित परिवारका घर छन वरिपरि बाढी पहिरोले तहसनहस बनाई सक्यो । राति बाढी आएपछि बगिजौला भनेर रातभर गाउँले जम्मा भएर घरको क्षतमा जागराम बस्ने गरेको दानसिह नेपालीले बताए । बर्षा सुरु भएपछि देबि देउता पुर्कादै घरमा बस्नु परेको उनले सुनाए । कोही ओढओछयान बोकेर गाउँ भन्दा ५ मिनेट पर प्राथमिक बिद्यालयको भवनमा सुत्न जाने गरेका छन ।
बर्खा लागेपछि रावलबाडा गाउँको माथि बाट पनि माथि बाढी पहिरो आउने र गाउँको मुनितिर बाट पनि जमिन भाँसिदै जान थालेपछि ३५ दलित परिवारलाई आफनो ज्यान देखि धनसम्पति जोगाउन सास्ती हुन थालेको छ । हुम्ला कर्णाली नदीले गाउँमुनीको जमिन कटान गर्दै जान थालेपछि बस्ती नै भाँसिदै जान थालेको छ ।
रावलबाडा गाउँका ३५ दलित परिवार बाढी पहिरोको उच्च जोखिमा रहेको सोरु गाउँपालिका—४ का वडाअध्यक्ष गोर्ख मल्लले बताए । अध्यक्ष मल्लका अनुसार झरी पर्न थालेपछि बाढी पहिरोको त्रासले दलित परिवार रातभर जागराम बस्ने गरेका छन । बाढी पहिरोको उच्च जोखिममा रहेको रावलबाडा बस्तीलाई सरकारले अन्यत्रा स्थानमा सार्न अति जरुरी भइसकेको वडाअध्यक्षले सुनाए ।
रावलबाडा गाउँका दलित परिवारले बस्ती अन्यत्रा सारि दिन गाउ“पालिका, कर्णाली प्रदेश र संघीय सरकार सित बारम्बार गुहार माग्दै हैरान भएपनि कार्यन्वयन नहु“दा चिन्तित छन । रावलबाडा गाउँ बाढी पहिरोको उच्च जोखिम छ सोरु गाउ“पालिकाका अध्यक्ष धर्मबहादुर शाहीले भने बजेट अभावका कारण उक्त बस्ती अन्यत्र सार्न गाह्रो भइरहेको छ ।
सोरु गाउ“पालिका भरिका ५५ बटा बस्ती मध्ये दलितको बाहुल्यता रहेको रावलवाडा गाउँ बाढी पहिरोको जोखिममा रहेको अन्यत्र सार्न अति आबश्यक देखिएको उनको भनाई छ ।
जुम्ला दर्पण । २३ असार २०८१, आईतवार १९:०७