जुम्ला : जिल्लाकाे तातोपानी-६ स्थित कालिका आधारभुत विद्यालय हियाखाेला तातोपानी गाउँपालिकाकै उत्कृष्ट विद्यालयका रूपमा सम्मानित भएकाे छ ।
५८ औं अन्तर्राष्ट्रिय साक्षरता दिवसकाे अवसरमा कालिका आधारभुत विद्यालय हियाखाेला तातोपानी गाउँपालिकाकै उत्कृष्ट विद्यालयका रूपमा सम्मानित भएकाे भएकाे हाे ।
गाउँपालिकाले पालिकामा रहेका २९ विद्यालयमध्ये आधारभुत विद्यालयतर्फ कालिका आविलाई उत्कृष्ट विद्यालयकाे रूपमा नगद र प्रमाणपत्रसहित सम्मान गरेकाे हाे ।
आइतबार एक समारोहबीच विद्यालयलाई तातोपानी गाउँपालिकाका अध्यक्ष नन्दप्रसाद चाैलागाईँले विद्यालयका निमित्त प्रधानाध्यापक रमेश न्याैपाने र विव्यस अध्यक्ष डिल्ली कामीलाई नगद र प्रमाणपत्रसहित सम्मानित गरेका थिए ।
पालिकाकै उत्कृष्ट विद्यालयकाे रूपमा सम्मानित हुँदा विद्यालय परिवार खुसी भएकाे अध्यक्ष कामीले बताए । उनका अनुसार गुणस्तरीय शिक्षाका लागि सुधारका काम अघि बढाइएकाे छ ।
`पालिकाकै उत्कृष्ट विद्यालयका रूपमा सम्मानित हुँदा उचित मुल्यांकन भएकाे महशुस गरेका छाै । आगामी दिनमा जिल्लाकै उत्कृष्ट विद्यालय बनाउन अघि बढ्नेछाै,´ उनले भने ।
यस्तै गाउँपालिकाले माध्यमिक विद्यालयतर्फ दुर्गा मावि मधुलाई सम्मान गरेेकाे छ । दिवसकाे अवसरमा गाउँपालिकाका पाँच जना शिक्षकलाई सम्मान गरिएकाे थियाे ।
जुम्ला दर्पण । २३ भाद्र २०८१, आईतवार १८:५१