जुम्ला : जुम्ला प्रहरीले बेवारिसे अवस्थामा एकनाले भरुवा बन्दुक बरामद गरेकाे छ । असाेज २९ गते दिउँसाे गुठीचौर गाउँपालिका वडा नम्बर ४ बिगारे गाउँ नजिकै एकनाले भरुवा बन्दुक बरामद गरेकाे हाे ।
वडा नम्बर ४ मा रहेकाे सार्वजनिक जग्गा सिमखोली डाँडा तिलाकोट भिरमा रहेको ओडारमा हतियार लुकाई राखेकाे अवस्थामा फेला पारेकाे जिल्ला प्रहरी कार्यालय जुम्लाले जनाएकाे छ ।
डीएसपी छेदीलाल कामतीका अनुसार गुठीचौर गाउँपालिकादेखि जुम्ला सदरमुकाम जाने कृषि कच्ची सडक खण्डदेखि अन्दाजी सय मिटर माथि उत्तरतर्फकाे ओडारमा लुकाई राखेकाे भन्ने विशेष सूचना अनुसार कार्यालयबाट खटिएकाे टाेलीले बन्दुक बरामद गरेकाे हाे ।
उक्त निलोमा रातो खैरो भएको पछ्यौरीले बेरी राखेको अवस्थामा रहेकाे उनले बताए । भरुवा बन्दुक हतियार बेवारिसे अवस्थामा फेला पारी स्थानीय तथा जनप्रतिनिधिको रोहवरमा प्रहरी टोलीले उक्त हतियार रितपुर्वक बरामद गरेकाे थियाे । साे सम्बन्धमा थप अनुसन्धान भईरहेको कामतीले बताए ।
जुम्ला दर्पण । १ कार्तिक २०८१, बिहीबार १७:२३