जुम्ला : कात्तिक १९ गतेबाट सुरू भएकाे जिल्ला स्तरीय खुल्ला पुरूष फुटबल प्रतियोगितामा समुह चरणका सम्पूर्ण खेल सकिएका छन् । कुल १७ टिम सहभागी प्रतियोगितामा समुह चरणका आठ वटा खेल सकिएका हुन् ।
समुह चरणका सबै खेल सकिएसँगै आठ टिम क्वाटर फाइनलमा पुगेका छन् भने आठ टिम बाहिरिएका छन् । बुधबार समुह चरणका दुई खेल सम्पन्न भएका थिए ।
पहिलाे खेल दलित सिर्जनशील युवा क्लब र रोयल युवा क्लबबीच भएकाे थियाे । निर्धारित समयमा बराबरी गाेल भएपछि पेनाल्टी सुट आउटमा राेयल युवा क्लब विजयी भएकाे छ ।
समुह चरणकै अन्तिम खेलमा भने जेवाइसी युवा क्लबले ३-१ गाेल अन्तरले सिद्व गुफालाई पराजित गर्याे ।
पहिलाे क्वाटर फाइनलमा फाेइ कालिका युवा क्लब र समाज चेतना युवा क्लबबीच प्रतिष्पर्धा भएकाे थियाे निधर्धारित समयमा १-१ काे बराबरी भएपछि पेनाल्टी सुटआउटमा समाज चेतना युवा क्लब विजयी भएकाे छ ।
दलित सेवा संघ जुम्लाकाे आयाेजनामा सञ्चालन भइरहेकाे प्रतियोगिता कात्तिक २३ गतेसम्म सञ्चालन हुनेछ ।
जुम्ला दर्पण । २१ कार्तिक २०८१, बुधबार १८:१५