जुम्ला : कात्तिक १९ गतेबाट सुरू भएकाे जिल्ला स्तरीय खुल्ला पुरूष फुटबल प्रतियोगिताकाे दाेस्राे दिन चार खेल सम्पन्न भएका छन् ।
दलित सेवा संघ जुम्लाकाे आयाेजनामा सञ्चालन भइरहेकाे प्रतियोगिताकाे दाेस्राे दिन चार खेल सम्पन्न भएका हुन् ।
स्वास्थ्यका लागि खेलकुद,राष्ट्रका लागि खेलकुद´ भन्ने मुल नारासहित सुरू भएकाे प्रतियोगितामा दलित समुदायका युवाबीच प्रतिष्पर्धा भइरहेकाे भइरहेकाे छ ।
दाेस्राे दिनकाे पहिलाे खेल जयबाबिरा युवा क्लब र मष्टो युवा क्लबबीच भएकाे थियाे । उक्त खेलमा जय बाबिराे युवा क्लब विजयी भएकाे छ ।
दलित एकता समाज र डिवाइसी युवा क्लबबीच भएकाे दाेस्राे खेलमा डिवाइसी युवा क्लब विजय भएकाे आयाेजक दलित सेवा संघ जुम्लाका अध्यक्ष भीम नेपालीले बताए ।उनका अनुसार तेस्रो खेल एच वान युवा क्लब र जय शम्भु युवा क्लबबीच भएकाे हाे ।
उक्त खेलमा जय शम्भु युवा क्लब विजयी भएकाे अध्यक्ष नेपालीले जानकारी दिए । दाेस्राे दिनकाे अन्तिम खेलमा लायन युवा क्लब विजयी भएकाे छ ।
लायनले उज्ज्वल समाज सुधार युवा क्लबलाई ४-१ गाेल अन्तरले पराजित गर्दै लायनले जीत हासिल गरेकाे छ । प्रतियोगिताकाे तेस्रो दिन २१ गते समुह चरण दुई खेल हुनेछन् । त्यसपछि क्वाटर फाइनलका खेल हुने अध्यक्ष नेपालीले बताए । प्रतियोगिता यहीँ कात्तिक २३ गतेसम्म सञ्चालन हुनेछ ।
जुम्ला दर्पण । २० कार्तिक २०८१, मंगलवार १८:४२