जुम्ला : राष्ट्रिय यूवा संघ नेपालकी केन्द्रीय सचिव शारदा पछाईले जन्मदिनको अवसमा शैक्षिक सामग्री वितरण गरेकी छन् । आफ्नाे जन्मदिनको अवसरमा सचिव पछाईले जिल्लाकाे गुठीचाैर गाउँपालिका १ म मणीसाँघुमा रहेकाे खड्कदेवि माध्यमिक बिद्यालयमा अध्ययनरत सामग्री सहयाेग गरेकी हुन् ।
पछाईले विद्यालयमै पुगेर दलित, विपन्न, जेहेन्दार विद्यार्थीलाई शैक्षिक सामाग्री र चिसाेमा न्यानो बनाउन टाेपी वितरण गरिन् ।
आफुले दलित, गरिब, जेहेन्दार विद्यार्थीको शैक्षिक विकासका लागी जन्मदिनको खर्च कटाएर केही शैक्षिक सामाग्री हस्तान्तरण गरेको पछाइले बताइन् ।
उनका अनुसार जन्मदिनका अवसर पारेर खड्कदेबि माध्यमिक बिद्यालयमा अध्ययनरत गरिब, दलित र जेहेन्दार विद्यार्थीलाई सहयाेग गरिएकाे हाे । विद्यार्थीको शैक्षिक उन्नतीको लागि केही खर्च गरेर शैक्षिक सामाग्री वितरण गरिएको सचिव पछाईकाे भनाइ छ ।
`हामी जन्मदिन मनाउने नाममा हजारौ खर्च गर्न सक्छौं तर गरिब विपन्न विद्यार्थीको शैक्षिक उन्नतीका लागी कहिलै सोक्दैनौं,´पछाइले भनिन् । उनले आफ्नो जन्मदिनको खर्च कटाएर विद्यालयको शैक्षिक विकासका लागी खर्चिएकी छिन् ।
जुम्ला दर्पण । २१ पुष २०८१, आईतवार १६:३०